დიდი აფეთქების დასაწყისი? - “ნაპოლის” ვარსკვლავურ მწვრთნელს აბარებენ

ცნობილ იტალიელ სპეციალისტს, ანტონიო კონტეს "ნაპოლის" მთავარი მწვრთნელობის პერსპექტივაზე დაუსვეს შეკითხვა.

აქვე გეტყვით, რომ ანტონიო "ტორინოსა" და "პარტენოპეის" გუშინ გამართულ მატჩსაც დაესწრო, რამაც იტალიურ პრესაში აგორებული მითქმა-მოთქმა კიდევ უფრო გაამძაფრა.

ვალტერ მაძარის მუშაობის შედეგებიდან გამომდინარე, მისი "დიეგო მარადონაზე" სეზონის დასრულების შემდეგ დარჩენა უფრო და უფრო ნაკლებსავარაუდო ხდება. ცხადია, აურელიო დე ლაურენტისს ახალი მწვრთნელის მოძებნა უკვე დაწყებული აქვს. როგორც ჩანს, კონტე კინორეჟისორის ფავორიტი კანდიდატია.

აქვე შეგახსენებთ, რომ ანტონიო ბოლოს ლონდონის "ტოტენჰემში" მუშაობდა.